Gure Pilotariak Trinketean ere....

http://www.ttipi.net/ web gunetik ateratako informazioa:

GRAVN txapelketan, trinketeko finalerdietan izanen dira Errekako pilotariak

GRAVN txapelketan, trinketean eskuz ari dira Errekako jubenilak, buruz buru, nahiz binaka. Ez nolanahi gainera. Asteburuan Arabaren kontra jokatutako partidetan nagusitu ondotik, finaledietarako txartela eskuratu dute buruz burukoan Beñat Oronoz lesakarrak (35-34 irabazi zion Fernandez Larrinaga arabarrari) eta binakakoan Aritz Juanenea saldiastarrak eta Gaizka Bendoiro eratsundarrak (35-20 irabazi zieten Isasmendi eta Uriarte araberrei).

Nafarroako Kirol Jolasak Donezteben

Nafarroako Kirol Jolasetan, igande goizean hainbat partida jokatu ziren Doneztebeko pilotalekuan.

Bigarren mailako jubeniletan, Errekako Xabier Carrion eta Iker Rojok 22 eta 13 irabazi zieten Oberenako Mikel Galetx eta Ruben Sanz-i eta Errekako Ibai Juanena eta Mikel Maiak 22 eta 12 irabazi zieten Zugarraldeko Samuel eta Ganix Guibert anaiei;

Lehen mailako jubeniletan, Errekako Irail Zestau eta Joseba Iraolak 22 eta 9 irabazi zieten Bi-Aizpeko Egoitz Karrion eta Javier Gastaminzari;

Hirugarren mailako benjaminetan, Errekako Jon Zabala eta Aimar Leatxek 8 eta 18 galdu zuten Aurrerako Mikel Zabaleta Artola eta Mattin Sukuntzarekin; bigarren mailako benjaminetan, Errekako Aimar Saldias eta Ioritz Zelaietak 16 eta 18 galdu zuten Ardoiko Ariztimuño eta Tersis-ekin, baina Errekako Asier Arozenak eta Unai Ibarrak 18 eta 17 irabazi zieten Huarteko Esain eta Jamar-i;

Lehen mailako alebinetan, Errekako Iker Salaberriak eta Iraitz Zubizarretak 18 eta 7 irabazi zieten Larraungo Orgi Soroa eta Joseba Igartuari; bigarren mailako infantiletan, Errekako Aritz Fagoaga eta Javier Seinek 14 eta 18 galdu zuten San Migueleko Azpiazu eta Portillorekin; lehen mailako kadetetan, Errekako Ugaitz Elizaldek eta Cristofer Alvarezek 10 eta 22 galdu zuten Zugarraldeko Aitor Goñi eta Iñaki Bernabéri;

Bigarren mailako alebinetan, Errekako Julen Larretxeak eta Aritz Arrietak 16 eta 18 galdu zuten Ardoiko Arribillagatarrekin eta hirugarren mailako infantiletan, Errekako Julen eta Javier Saldias anaiek 18 eta 2 irabazi zieten Mendillorriko Burgi eta Iriarteri eta Errekako Mikel Zozaiak eta Iker Mariezkurrenak 18 eta 4 irabazi zieten Oberenako Mendaza eta Villares-i.