Benjaminetan 24 bikote ariko dira. Igande goizeko 09:30etik aitzinera izanen dira partiduak Legasako frontoian. Alebinetan 32 bikote ariko dira partiduak igande goizeko 09:30ean hasita Iruritan izanen dira . Infantiletan, kadeteetan eta jubeniletan 32na bikote ariko dira. Infantilak Beran 09:30etik aitzinera, kadeteai Lesakan 09:00etatik aitzinera eta jubenilenak Donezteben jokatuko dira igande goizeko 09:00etatik aintzin.
22 urtez azpiko eta elite mailakoen partidak, beranduago hasiko dira, urtarrilaren 12an hain zuzen. Partiduak asteazkenetan jokatuko dira, arratsaldeko 17:00etatik aitzinera, Beran 22 urtez beheitikoenak eta Donezteben elitekoenak. 22 urtez azpikoetan 24 bikote ariko dira eta 16 elite mailakoetan.
Finalak otsailaren 26an jokatuko dira Doneztebeko pilotalekuan, goiz eta arratsaldez. Errekako bigarren mailako pilota txapelketaren finalak, berriz, otsailaren 25ean izanen dira.
No hay comentarios:
Publicar un comentario