SUB-21 kategoriko finalerdiak erabakiak

TTIPI-TTAPA ( http://www.ttipi.net/)

Malerrekako eskuz binakako bederatzigarren txapelketa azken txanpara ailegatzen ari da. Otsailaren 26an jokatuko dira finalak eta finalistak zein izanen diren erabakitzeko gelditzen den kategoria bakarra sub-22 maila da.


Otsailaren 9an, asteazken arratsaldean, final laurdenetako norgehiagokak jokatu dira Doneztebeko udal pilotalekuan.

Intxurreko Urretabizkaia eta Otegik 22 eta 12 irabazi zieten, Oteizako Andueza eta Zendoiari; Pilotajaukuko Lopez eta Alustizak 22 eta 20 irabazi zieten Oronozen ordez aritu zen Errekako Bendoirori eta Irurtzungo Pazos-i; Errekako Juanenea eta Zugarraldeko Lukinek 22 eta 10 irabazi zieten Aurrera Saiazeko Mujika eta Biain-i eta Ilunpeko Otamendi eta Murgiondok 22 eta 8 irabazi zieten Naxerako Perez eta Buruz Gaingo Gartziari.

Heldu den asteazkenean, otsailaren 16an, jokatuko dira finalerdietako partidak Donezteben eta orduan, erabat osatua geldituko da finaletako koadroa.