Aupa Errekazaleak!
Batzuk gargero dakizuenez bezala, datorren asteko
igandean New Yorkeko maratoian parte hartzekoa naiz. 10 egun baino guttiago
falta dira eta beraz azken azken txanpan sartuak gaudela erran dezakegu. Maratoi
hau behar bezala prestatzeko arazo aunitz izan ditut, eta hala, nahiko egoera
txarrean iristen naizela pentsatzen dut... Denboraldia luzea doa, eta gorputzak
atsedenaldia eskatzen ari dit.
Entrenamendu bezala bi aste dezente baino ez
ditut egin, belauna ez bazen, piramidala, eta piramidala ez bazen peroneoa, beti
minaren bat banuelako... Kontu guzi hauengatik ordu terdiko saioa izan da egin
dudan luzeena, eta nahiz eta ordu bateko saio nahiko egin, nahiko entrenamendu
maila eskasa da.. Hauek guziak maratoia bukatu ahal izateko "kontrak" izanen
dira, baina zorionez, baditut "alde" batzu ere... Batetik urtean zehar bolumen
aunitzeko entrenamenduak egin egin ditudala iron manera begira, eta horiek
lagunduko didaten esperantza eduki badaukat.. Bertzalde joan den urten
Donostiako maratoia bukatu nuen, nire lasterketarako esperientzia askozaz
txarragoa zenean, eta bukatzeko inguruan izanen dudan guzia zoragarria omen da,
50000 lagun lasterka, eta New Yorkeko karrika guziak jendez lepo jendea
animatzen, beraz, min gehiegirik sentitu ezean optimista egoteko arrazoiak ere
izan baditut...
Helburua oso erraza jarri dut, maratoiak eskaintzen
dizkidan pasai eta esperientzietaz ahal bezain beste gozatu, leku berri bat
ezagutzeko aukera aprobetxatu, eta gehiegi sufritu gabe maratoia osatzea...
Horretarako erritmo lasaiak eramanen ditut, ez baitakit muskularki irauteko
gauza izanen naizen, peroneo eta piramidala oso juxtu ditut eta. Ikusiko
dugu!
GORKA BIDEGAIN
No hay comentarios:
Publicar un comentario