Zazpi kategoriatan banatutako 176 bikote hasiko dira egunotan Erreka elkarteak hamekagarren urtez antolatutako Malerrekako eskuz binakako txapelketan, otsailaren 23an Donezteben jokatuko diren finalen txartelaren bila. Hasten lehenbizikoak 22 urtez beheitikoen kategoriakoak izanen dira, Donezteben eta Sunbillan izanen baitute lehen kanporaketako hitzordua urtarrilaren 9an, asteazken arratsaldeko 17:00etatik aitzinera.
Donezteben jokatuko den lehen partidan, Añorgako Bereziartua eta Jauregi, Errekako Jaunarena eta Anduezaren kontra ariko dira; ondotik, Sutegiko Gartzia eta Kintana, Aurrera Saiazeko Aristimuño eta Galarragaren kontra ariko dira; Antiguoko Manzisidor eta Ortiz de Urbina, Zugarraldeko Rebole eta Alduntzinen kontra eta Oberenako Jaurena eta Cordon, Hernaniko Urkizu eta Etxegoienen kontra.
Sunbillan, berriz, Aldabideko Murgiondo eta Fernandez, Iparraldeko Migeltorena eta Iturberen kontra ariko dira lehen partidan; gero, Txarutako Zaranton eta Jauregi, Oiarpeko Ugalde eta Ugalderen kontra ariko dira; Titin III.eko Jubera eta Artola, Andoaingo Eskudero eta Otañoren kontra eta Lagunak-eko Senosiain eta Sanz, Añorgako Maiza eta Txarutako Indaren kontra.
Hurrengo igandean, urtarrilaren 13an, kategoria ttikienetakoen txanda izanen da. Benjaminak Legasako frontoian ariko dira, alebinak Iruritakoan, infantilak Lesakakoan, kadeteak Sunbillakoan eta jubenilak Doneztebekoan.
Txapelketan hasten azkeneko bikoteak elite mailakoak izanen dira. Lehenbiziko kanporaketa urtarrilaren 23an jokatuko dute, Doneztebe eta Sunbillako frontoietan.
No hay comentarios:
Publicar un comentario