AMISTOSO

SÁBADO 25 DE AGOSTO 18:30 HORAS en DONEZTEBE:

ERREKA-BETI ONAK
-------
LARUNBATA ABUZTUAK 25 18:30etan DONEZTEBEN:

ERREKA - BETI ONAK

sábado, 5 de octubre de 2013

Laxoa: gazteenen artean ere, Doneztebe Txapeldun

TTIPI-TTAPA ( www.ttipi.net)

Haundien txapelketan gertatu zen bezala, gazteen laxoa txapelketan ere Doneztebe nagusitu zaio Arraioz-i. Irailaren 29an Bear-Zanan jokatu zen BAztan-Errekako gazteen laxoa txapelketaren finala eta Doneztebe Bk 9 eta 5 irabazi zion Arraioz-i.
Doneztebe B taldean Gorka Iribarren (sakalaria), Eloy Garzia (numeroa) eta David Mitxeo eta Eneko Maylin (koartoak) aritu ziren. Arraiozen, berriz, Eki Etxandi (sakalaria), Josu Etxandi (numeroa) eta Urki Etxandi eta Mikel Organbide (koartoak).
Doneztebarrek lau lehenbiziko jokoak egin eta alde horri eutsi zioten. Markagailua: 4-0, 4-1, 5-1, 5-2, 8-2, 8-5, 9-5.
Sailkapenean, Doneztebe eta Arraiozen ondotik, Oiz hirugarren izan da, Doneztebe A laugarren eta Irurita bosgarren.
Tiburtzio Arraztoa, Laxoa Elkarteko kideak aipatu digunez, «giro arras ona izan zen plazan, jende aunitz; 8 joko eta 3 zirelarik euri tanta batzuk erori ziren, baina partida etzen gelditu eta problemarik gabe bukatu zen».

Sari banaketa berezia

Sari banaketari dagokionez, Oitz, Doneztebe A eta Iruritako jokalariek Laxoa Elkarteko domina bana hartu zuten, Baztan-Errekako Laxoa txapelketa gehien irabazi dituen Doneztebeko Patxiku Ganboaren eskutik. Aurten Baztan-Errekako Laxoa txapelketa nagusia irabazi duten Doneztebe Ako jokalariek (Pascual Bertiz, Koldo Legarra, Javier Bertiz eta Jokin Arraztoa) banatu zituzten azpitxapeldunen trofeoak (Arraioz). Jon Oyarzunek, Nafarroako Pilota Federazioko gerenteak, eman zizkien Doneztebe Bko txapeldunei trofeoak.
Gero, pilotari eta pilotazale guztiek luntxa izan zuten Santamaria Jatetxean.

No hay comentarios: