Martxoaren azken asteburuan abiatuko da Baztan-Errekako Laxoa txapelketaren hogeita hamabosgarren edizioa. Hamar talde ariko dira aurtengoan, 4 Doneztebekoak, 3 Arraiozkoak, 2 Iruritakoak eta Oizkoa. Finala abuztuaren 2an jokatuko da Oizko plazan.
Bi multzotan banatuta ariko dira taldeak. A multzoan bortz talde izanen dira: Doneztebe A gaur egungo txapelduna (Pascual Bertiz, Koldo Legarra, Javier Bertiz eta Jokin Arraztoa), Doneztebe C (Unai Sapuppo, Josu Juanena, Xabier Ibarrola eta Joseba Grazenea), Irurita A (Joseba Urtasun, Oscar Urrutia, Iñaki Etxando eta Miguel Bidegain), Doneztebe B (Asier Mutuberria, Javier Almandoz, Bittor Mendiburu eta Juan Telletxea) eta Arraioz C (Xabier Bengoetxea, Daniel Saldias, Miguel Maritorena eta Sergio Navarro).
B multzoan ariko dira bertze bortz taldeak: Arraioz A (Iñaki Mihura, Jon Gamio, Asier Zubigarai eta Jesus Mari Laurnagarai), Doneztebe D (Ramontxo Etxebeste, Jon Apeztegia, Aritz Baleztena eta Joseba Juanena), Arraioz B (Mikel Mindegia, Xabier Mihura, Aritz Alunda eta Xabier Maritorena), Irurita B (Xabi Barberena, Gorka Urtasun, Jagoba Ramos eta Egoitz Prim) eta Oiz ((Iker Bereau, Lander Mendiola, Ugutz Zelaieta eta Iñaki Mendiola).
Multzo bakoitzeko lau lehenbizikoek final laurdenak jokatuko dituzte ekainaren 21 eta 28an eta uztailaren 5ean; irabazleek finalaurrekoak joktuko dituzte uztailaren 12, 19 eta 26an eta finala Oizko plazan jokatuko da abuztuaren 2an.
Lehenbiziko jardunaldia
Aipatu bezala, asteburu honetan jokatuko da lehen jardunaldia, partida hauekin:
A Multzoa
Arraioz C – Doneztebe C, igandean 11:30ean.
Doneztebe B – Irurita A, larunbatean 17:00etan.
Doneztebe A atsedena.
B multzoa
Arraioz B – Oiz, larunbatean 17:00etan.
Irurita B – Arraioz A, larunbatean 17:00etan.
Doneztebe D atsedena.
No hay comentarios:
Publicar un comentario