ESKUBALOIA

Senior mutilak Burlada 28 - Erreka 30

Kadete mutilak: Burlada B 29 - Erreka 32

viernes, 4 de julio de 2014

Laxoa final laurdenetan


TTIPI-TTAPA

Baztan-Errekako 35. Laxoa txapelketa final laurdenetan sartua da. Igande honetan, joaneko azken partida jokatu zuten Oizen eta etxeko taldeak 7-9 galdu zuen Irurita Arekin.

Final laurdenetako itzuliko lau partidak uztailaren 5ean jokatuko dituzte eta orduan erabakiko da finalerdietan izanen diren lau taldeak.

Doneztebe B eta Arraioz B larunbat arratsaldeko 5etan ariko dira. Joanekoan, 6-9 irabazi zuten doneztebarrek eta abantaila hori baliatu nahiko dute Bear-Zanan.

Arraioz A eta Doneztebe A taldeen artekoa larunbat arratsaldeko 5:30ean jokatuko dute. Bear-Zanan jokatutako joaneko partidan doneztebarrek 9-4 irabazi zuten eta arraioztarrek zail izanen dute horri buelta ematea.

Irurita B eta Arraioz C artekoa larunbat goizeko 11:30ean jokatuko dute Iruritako plazan. Arraiozen etxekoek 9-5 irabazi zuten.


Irurita A eta Oiz arteko norgehiagoka larunbat arratsaldeko 5etan hasiko da. Arestian, aipatu bezala, iruritarrek garaipen garrantzitsua lortu zuten igande goizean Oizko plaza berezian eta etxean berretsi nahiko dute finalerdietarako sailkapena. Oizek, halere, ez du garaipena erraz salduko.

No hay comentarios: