Bortz Kirol Txapelketaren 2. edizioa prest

Bi asteren buruan, azaroak 4-5 asteburuan, hasiko da Doneztebeko BORTZ KIROL txapelketaren bigarren edizioa, euskal pilotako pilotari osoena izendatzeko asmoz antolatuko lehiaketa. Txapelketa aurkezte aldera, aurten arituko diren pilotarien aurkezpen laburra eginen dugu, pilotazaleak girotzen joan daitezen..

LEHEN TALDEA:

 Talde honetan 3 debutari egonen dira, Iñaki Lizaso, Aratz Luixa eta Jon Apeztegia, joan den urtean erdi finaletara iritsi zen David Albiasurekin batera.

Iñaki Lizaso: Berez eskuzko jokamoldean trebea, Behar Zana pelota taldeko kidea denez, bertze jokamoldeetan ongi moldatuko denaren ustea dago, azken jokamoldera bizirik iritsiz gero, aukera aunitz izanen ditu partida bere aldera ekartzeko.

Aratz Luixa: Hau ere Behar zana pilota taldeko kide, errebote jokalaria eta paletan Gipuzkoako txapelketetan ere aritua. Oraindik pilotan ikusi ahal izan ez badugu ere, joko garbia eta paletan maila ona izanik, txapelketako sentsatzioetariko bat izan daiteke.

David Albiasu: Paletan akaso txapelketako pilotari onena, eskuz ere ongi moldatzen da, eta aurten eskularruarekin eman duen hobekuntza oso haundia izan da. Hurbiletik jarraitu beharreko pilotaria.

Jon Apeztegia: Doneztebeko ezkerrak, aurten eginen du debuta, eta printzipioz esperientzia haunditzea izanen du helburu, eta bere jokamoldeetan, eskularruan partidak aintzina atera.

 

Talde honetan berez, Aratz, David eta Iñakik jokatuko dituzte erdi finaletara pasatzeko aukerak, eta Jerome erdi finaletan libratzea izanen da helburua.

BIGARREN TALDEA:

Jerome Karrikaburu txapelduna, Peio Etxeleku, David Mitxeo eta Imanol de Rueda izanen dira nor baino nor.

 Jerome txapelketa irabazteko faborito nagusia da, bortz jokamoldeetan oso joko solidoa erakutsi izan baitu.

Peio Etxelekuk berriz, bere arazo fisikoak gaindituko balitu, xare eta joko garbian daukan maisutasuna baliatu nahiko luke, hor lortutako abantaila bere alde maneiatzeko

David Mitxeok debura izanen du aurtengo txapelketan, oso pilotari osoa eta xarean eta joko garbian berriki hasi bada ere, goruntza datorren pilotaria da.

Imanol de Rueda: Iaz erakutsitako progresioarekin jarraitzea izanen da bere helburua, eta bere maila fisikoa ere bere aldeko baza izanen da partidak aintzina ateratzerako orduan.

 Talde honetan David, Imanol eta Peiok jokatu beharko lukete erdi finaletarako pase bat, lehen postua berez Jeromerena dirudielako...

 Bertzerik gabe, animatu pilotazaleak Ezkurra frontoitik pasatzera eta ea txapelketa ederra ikusterik daukagun.

 GORKA BIDEGAIN