Kaixo errekazales!
Igande honetan Ultzaman, urtero bertan ospatzen den
triatloia ospatu zen. Guztira 46 kirolarik parte hartu genuen froga luzean, eta
bertze hainbertzek froga motzean. Goizeko 11terdietan hasi zen froga luzea, 500
metro igerian leurtzako urtegian. Ura aski beroa zegoenez, neoprenoa ez zuten
baimendu, eta gabe egin behar izan genuen igeri. Lehendabiziko bolla arte,
nahiko agobiatua jendearen ukituekin, eta erritmoa behar bezala hartu ezinik,
bigarren bollara iristen ari ginela, gorputzari buelta eman eta nahiko era
txukunean igeri egin ahal izan nuen. Gustora eta hasieran baina azkarrago, 9
minutu inguruan uretik kanpo nintzen.
Transizio nahiko txarra egin nuen, gauzak
ez nituelako behar bezala prestatu, eta nahiko denbora galdu nuen. Leurtzatik
ateratzeko malda ttiki bat genuen pistaraino, eta uretatik ateratzen sentitzen
den itolarria handitu baino ez zitzaidan egin... Pistara iristerakoan, goiti
nahiko ongi sentitu nintzen, eta jende nahiko aurreratu nuen, banekien hori zela
niretako tokirik onena, beherakoan oso trebea ez bainaiz.
Uztalakortako gainara
iritsi eta ziztu bizian Alkotzera. Beherakoan nire taldekide bat lurrean ikusi
eta nola zegoen ikusteko gelditu nintzen, hortik aintzina ez nuen lehen bezain
beste arriskatu (nirekin goian zeudenek, 3 minutu atera zizkidaten Alkozen..),
zelaira iritsi eta han bai, a tope Alkotzera iritsi arte. Alkotzen transizioa
lehen baino azkarrago egin, eta lasterka Larraintzarrera. Lasterka sentsazio
onekin ibili nintzen, eta 3 postu aurreratu nituen, Larraintzarrera ordu bete
eta 6 minututan iristeko, gustora, hogeigarren sailkapenean, eta orokorrean
sentsazio onekin. Hemendik bi astera Larra Larrau luzea dut eta hiru astera
berriz Donibane Lohitzuneko Iron man erdia, ea han nola sentitzen garen...
GORKA BIDEGAIN
No hay comentarios:
Publicar un comentario