C. D. Erreka KE-k gaurko eguerdian hartu du Iruñean 2014ko Nafarroako Kirol
Elkarte hoberenaren saria, beraz Erreka bere osotasunean zoriontzeko ordua dugu
eta bai gustora egin ere.
Zorionak ba
Erreka eta Errekazale eta laguntzaile zareten guztiei, guzti-guztiena baita
saria hau eta guztiak baituzue saria jasotzearen "kulpa" pixka bat.
Gaurko eguna
markatuta geldituko da Errekaren ibilbidean urrezko eguna bezala, izan ere,
Nafarroako Gobernuak, beraz Nafarroak, gure elkartea horrela nabarmendu nahi
izatea eta horrela egitea izugarrizko meritua baitauka eta harro sentiarazi
gaitu.
Nafarroan kirol
elkarte aunitz eta hagitz sendoak ari dira lanean gure gisa sekulako gizalana
egiten hiri eta herrietan, eta horien denen artean gurea nabarmentzea eta
hautatzea sariduna izateko ilusioz bete egiten gaitu eta baita sekulako indarra
ematen ere gure eguneroko lanean jarraitu ahal izateko.
Urte
aunitzetako lanaren errekonozimendutzat hartzen dugu sari hau eta pozik hartzen
dugu berria Malerrekatik kanpo ere gure lana ikusi dutelako eta horrela
adierazi, nondik eta Nafarroako Gobernutik hain zuzen ere.
Duela urte
franko "lainoaren umeak" bere bidea egiten hasi ginenetik denbora eta gauza
aunitz pasatu dira gure bizitzetan eta baita gure inguruan ere, baina tinko
darrai gure bihotzetan oraindik hasiera hartan elkartu gintuen idea ximple eta
garbi harek.......Kirolarekiko maitasuna eta grina, hori baita elkartzen
gaituena eta gure baitan eta gure inguruan urte hauetan zehar deus aldatu ez
dena.........segi beza dagoen lekuan urte aunitzetarako.
Erreka
sentimentu bat bihurtu zaigu eta erabat harro gaude horretaz.
Lainoaren umeak, zeruaren koloreak........
Sasoiaaaaaaaaa......!!!!
TXOMIN MINDEGIA
No hay comentarios:
Publicar un comentario